لەمانگی رابردوودا، 907 منداڵ لەنەخۆشخانەی منداڵبوونی فێرکاریی سلێمانی لەدایك بوون، لەو رێژەیە 421 یان كوڕ بوون و 486 یان كچ بوون.
بەڕێوەبەرایەتیی گشتیی تەندروستیی سلێمانی لە راگەیاندراوێکدا بڵاویکردەوە، مانگی رابردوو 907 منداڵ لەنەخۆشخانەی منداڵبوونی فریاكەوتنی فێركاری لەدایك بوون و 421 منداڵ كوڕ بوون و 486 منداڵ كچ بوون، لەو ژمارەیە 505 منداڵیان بەشێوەی سروشتی لەدایك بوون و 402 منداڵ لە رێگەی نەشتەرگەری لەدایك بوون.
باس لەوەش دەکات، هەر لەو ماوەیەدا لە نەخۆشخانەی منداڵبوونی فریاكەوتنی فێركاری 2 هەزار و 254 نەخۆش سەردانیان كردووە، لەو ژمارەیە هەزار و 486 نەخۆش داغڵ كراون و چارەسەری پێویستیان بۆ كراوە.
بەپێی ئامارەکە، هەر لەو ماوەیەدا، 195 منداڵ لەبەشی نەبەكام داغڵ كراون و 22 حاڵەتی لەدایكبوونی دووانە و 108 لەبارچوونی منداڵ تۆماركراوە و هەروەها هەزار و 144 سۆنەریش گیراوە.
