پۆلیسی گەرمیان دەستگیرکردنی کەسێکی راگەیاند، کە لەگەڕەکی شەهیدانی قەزای کەلار تێزابی بە ئۆتۆمبێلی هاوڵاتییەکدا کردبوو و هەڵاتبوو.
بەڕێوەبەرایەتیی پۆلیسی گەرمیان بڵاویکردەوە، دوای سکاڵای هاوڵاتییەک دانیشتووی گەڕەکی شەهیدانی قەزای کەلارە و ئۆتۆمبێلەکەی لەجۆری تۆیۆتا لاندرۆزەر لەلایەن کەسێکی نەناسراوەوە تیزابی پێدا کراوە و بەشێکی ئۆتۆمبێلەکەی سوتێنراوە، دوای لێکۆڵینەوە و بەدواداچوون و سوودبینین لەکامێرای چاودێری بنکەی پۆلیسی شەهیدانی قەزای کەلار توانیان تۆمەتبار دەستگیربکەن.
ئاشکرایکرد، دوای لێکۆڵینەوە لەگەڵ تۆمەتباردا دانی نا بەتاوانەکەدا
لەئێستادا بە بڕیاری دادوەروبەپێی مادەی 477 بەندکراوە و لێکۆڵینەوە لەگەڵیدا بەردەوامە.
