بافڵ جەلال تاڵەبانی رایگەیاند، جەژنی چلەی هاوین بە دەرفەت دەزانم پشتیوانی تەواوی یەکێتیی نیشتمانیی کوردستان دووپاتبکەمەوە بۆ پاراستن و بەدیهێنانی ماف و خواستەکانتان.
بافڵ جەلال تاڵەبانی سەرۆکی یەکێتیی نیشتمانیی کوردستان لە پەیامێکدا بڵاویکردەوە، “جەژنی چلەی هاوین لە هەموو خوشک و برا ئێزدییەکان پیرۆز دەکەم و هیوادارم ئەم جەژنە لە دڵخۆشی و کامەرانیدا بەسەربەرن”.
لە بەشێکی دیکەی پەیامەکەدا هاتووە، “ئەم بۆنەیە بە دەرفەت دەزانم پشتیوانی تەواوی یەکێتیی نیشتمانیی کوردستان دووپاتبکەمەوە بۆ پاراستن و بەدیهێنانی ماف و خواستەکانتان، هەروەها یەکخستنی هەوڵەکان لەپێناو ئاوەدانکردنەوەی شەنگال و گەڕانەوەی خەڵکە خۆشەویستەکەی بۆ زێدی خۆیان”.
