وەزیری ئەوقاف و كاروباری ئایینیی هەرێم رایدەگەیەنێت، حكومەتی هەرێم سەرجەم پابەندییەكانی خۆی جێبەجێكردووە و حكومەتی عێراق دەستوور پێشێلدەكات و دەشڵێت، “یان مافەكانمان بدەنێ یا رێگامان بدەن جیاببینەوە”.
پشتیوان سادق وەزیری ئەوقاف و كاروباری ئایینیی هەرێم لە لێدوانێكی رۆژنامەوانیدا رایگەیاند، حكومەتی هەرێم درێغی نەكردووە بۆ رێككەوتن لەگەڵ بەغداد و ئەگەر حكومەتی عێراق لێمانبگەڕێت ببینە دەوڵەت پێویستمان بە بەغداد نابێت.
وەزیری ئەوقاف و كاروباری ئایینی لە پەیامێكیشیدا بۆ بەغداد وتیشی، “یان لێمان بگەڕێن جیاببینەوە یان بەپێی دەستوور ماف و شایستەی دارایی هەرێمی كوردستان بدەن”.
