لە کەناراوەکانی هاماچۆ لە شاری هۆکایدۆی ژاپۆن، ملیۆنان ماسی سەرئاوکەوتوون و حاڵەتەکە شارەزایانی سەرسام کردووە.
ئەمڕۆ ملیۆنان ماسی لە جۆری سەردین و ماکریل لە کەناراوەکانی هاماچۆ لە شاری هۆکایدۆی ژاپۆن بە مردووی بیندراون و سەر ئاو کەوتوون، بەشێکیشیان شەپۆلی دەریا بۆ کەنارەکانی هێناون.
ئەم حاڵەتە دەنگدانەوەی زۆری لە میدیاکانی ژاپۆن لێکەوتووەتەوە، هەرچەندە زانایان نەیانتوانیوە هۆکارەکەی ئاشکرا بکەن، بەڵام پێشبینی دەکەن، بەهۆی کۆچی بەکۆمەڵی ماسییەکان ئەو حاڵەتە دروست بووبێت.
بە وتەی شارەزایان، بەرزبوونەوەی پلەکانی گەرما و گۆڕانکارییەکانی ژینگە هۆکاری کۆچی بەکۆمەڵی ماسییەکانن.
بەشێک لە هاوڵاتییانی ناوچەکە، حاڵەتەکە بۆ ئەگەری روودانی بومەلەرزەیەکی بەهێز و بەشێکی دیکەیان بۆ تەقینەوەی ئەتۆمی لەژێر دەریادا دەیگێڕنەوە، بەڵام تا ئێستا هیچ کام لەم ئەگەرانە پشتڕاست نەکراونەتەوە.
