لەقەزای دەربەندیخان هاوڵاتییەک دەستگیرکرا کە لە ماڵەکەی خۆیدا ئاژەڵی کێوی راگرتووە.
بەڕێوەبەرایەتیی گشتیی پۆلیسی دارستان و ژینگەی پارێزگای سلێمانی رایگەیاند، دوای ئەوەی ئاگادار کرانەوە کە هاوڵاتییەك لە ماڵەکەی خۆیدا لە قەزای دەربەندیخان ئاژەڵی کێوی راگرتووە ، مەفرەزەیەكی بەشی پۆلیسی دارستانی دەربەندیخان بە فەرمانی دادوەر دەرچوون بۆ شوێنی دیاریکراو ، دوای گەڕان و پشکنینی ماڵەکە ئەو هاوڵاتییە دەسگیرکرا و دەست بەسەر ئاژەڵێکی کێوی ( سیخوڕ ) وکەلەسەری بزنە کێویەكدا گیرا.
باس لەوەش دەکات، پەڕاوی لێکۆڵینەوە رێکخراوە و بۆ وەرگرتنی رێکاری یاسایی رادەستی دادوەر کراوە.
