بەڕێوەبەری پەروەردەی رۆژهەڵات لە سلێمانی رایدەگەیەنێت، سبەی مووچەی مانگی 9ی مامۆستایانی وانەبێژ خەرجدەكرێت و بەهەمان میكانیزم و بڕە پارەی پێشتر بۆیان خەرجدەكرێت.
تریفە محەمەد بەڕێوەبەری پەروەردەی رۆژهەڵات لە سلێمانی لە لێدوانێكدا بە تۆڕی میدیایی ئێستای راگەیاند، سبەی یەكشەممە دەستدەكرێت بە دابەشكردنی مووچەی مانگی 9ی مامۆستایانی وانەبێژ و بە هەمان بڕی پێشتر بۆیان خەرجدەكرێت.
ئاشكراشیكرد، شایستەی دارایی مانگی 7 و 8 بە لێبڕینەوە دابەشكراوە، بەڵام بۆ مانگی 9 شایستەی دارایی مامۆستایانی وانەبێژ بە هەمان میكانیزمی كاتی دەوامكردن بۆیان خەرجدەكرێت.
