پەرلەمانتارێكی كورد لە ئەنجومەنی نوێنەرانی عێراق رایدەگەیەنێت، مەرجی زۆرینەی لایەنە كوردییەكان بۆ هەمواری یاسای بودجە جیاكردنەوەی پرسی مووچەیە لە ئینقافی فیعلی و مانگانە لەگەڵ مووچەخۆرانی عێراقدا مووچەخۆرانی هەرێم مووچەكانیان وەربگرن.
غەریب ئەحمەد پەرلەمانتاری فراكسیۆنی یەكێتی لە ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بۆ هەمواركردنەوەی یاسای بودجە مەرجی زۆرینەی لایەنە كوردییەكان جیاكردنەوەی پرسی مووچەیە لە ئینفاقی فیعلی و لە هەمانكاتدا دەبێت مانگانە لەگەڵ مووچەی مووچەخۆرانی عێراقدا مووچەی فەرمانبەرانی هەرێمی كوردستانیش دابەشبكرێت.
راشیگەیاند، بۆ پرسی هەمواركردنەوەی یاسای بودجە كە دەبێت لێكتێگەیشتن لەسەر داتا و ژمارەی فەرمانبەرانی هەرێمی كوردستان لەنێوان بەغداد و هەرێمدا هەبێت.
ئاشكراشيكرد، “هەمواركردنەوەی یاسای بودجە دەكەوێتە دوای هەڵبژاردنی سەرۆكی نوێی پەرلەمانی عێراقەوە”.
