وەزارەتی كارەبا چارەسەركردنی گرفتی كوژانەوەی گشتیی كارەبا رادەگەیەنێت.
وەزارەتی كارەبا لە راگەیەندراوێكدا ئاشكرایكرد، تیمەکانی کارەبا لەوانە کۆنتڕۆڵی کارەبای هەرێم، کۆنتڕۆڵی شارەکان و لایەنە پەیوەندارەکانی وەزارەتی کارەبا گرفتی کوژانەوەی گشتیی کارەبایان چارەسەرکرد و دۆخی کارەبا ئاسایی بووەوە.
دەشڵێت، لە هەوڵی بەردەوامدایە بۆ زیادکردنی بەرهەم و گەڕانەوە بۆ بەرنامەی ئاسایی پێدانی کارەبا.
پێشتر وەزارەتەكە بڵاویكردەوە، ئێوارەی رۆژی پێنجشەممە، بەهۆی گرفتێكی تەكنیكییەوە تەواوی یەكەكانی بەرهەمهێنانی كارەبای هەرێم كوژانەوە و تیمەكانی وەزارەتی كارەبا دەمودەست كێشەكەیان چارەسەركرد، بەڵام كاتژمێر (1:00)ی شەو بۆ جاری دووەم كوژانەوەی گشتی روویدا.
