لایەنە نێوەندگیرەکانی نێوان حەماس و ئیسرائیل رێکەوتن لەسەر درێژکردنەوەی ئاگربەست بۆ دوو رۆژی دیکە.
کەناڵی سی ئێن ئێن لە سەرچاوەیەکی باڵاوە بڵاویکردەوە، لایەنە دیپلۆماتکارەکانی واشنتۆن و دەوحە و قاهیرە رێکەوتوون لەسەر کارکردن بۆ درێژکردنەوەی ئاگربەست و ئازادکردنی زیاتری دیلەکان.
ئاشکراشیکرد، دیپلۆماتکارەکان لەو باوەڕەدان حەماس ژمارەیەکی زیاتری دیل بەتایبەت ژن و منداڵی لەلا ماوە بۆیە هەوڵدەدەن بۆ ماوەی دوو رۆژی دیکە ئاگربەستەکە درێژبکەنەوە.
