وەزارەتی نەوتی عێراق كۆی هەناردە و داهاتی نەوتی مانگی رابردوو ئاشكرادەكات.
وەزارەتەكە لە راگەیەندراوێكدا بڵاویكردەوە، بڕی نەوتی خامی هەناردەكراو لە مانگی تشرینی یەكەمی رابردوودا گەیشتووەتە 109 ملیۆن و 545 هەزار و 589 بەرمیل بە داهاتی 9 ملیار و 593 ملیۆن و 643 هەزار دۆلار.
لەو ژمارەیە 108 ملیۆن و 50 هەزار و 360 بەرمیلی لە كێڵگە نەوتییەكانی ناوەڕاست و باشوورەوە رەوانەكراوە، لە كێڵگەی قیارە-شەوە ملیۆنێك و 30 هەزار و 501 بەرمیل و بۆ ئوردن-یش 464 هەزار و 728 بەرمیل هەناردەكراوە.
ئاشكراشیكرد، ناوەندی نرخی هەر بەرمیلێك گەیشتووەتە 87.577 دۆلار.
