وتەبێژی سوپای ئیسرائیل رایدەگەیەنێت، پابەندین بەو رێككەوتنانەی كردوومانە و دەشڵێت، “دوای ئاگربەست بۆ هەموو هەنگاوێك ئامادەین”.
دانیال هەگاری وتەبێژی سوپای ئیسرائیل لە كۆنگرەیەكی رۆژنامەوانیدا رایگەیاند، بەرەوپێشچوونی باش لە پرسی ئازادكردنی بارمتەكاندا هەیە و ئێمەش رێگە بە گەیاندنی هاوكارییەكان بۆ باكووری كەرتی غەززە دەدەین.
راشیگەیاند، پابەندی هەموو رێككەوتنەكانین و ئامانجمانە سەرجەم بارمتەكان ئازادبكرێن و هەموو هەنگاوێك بۆ ئەو مەبەستە دەنێین و دوای ئاگربەستیش بۆ هەموو هەنگاوێك ئامادەین.
