ئەنجامی کۆبوونەوەی یەکێتی و کۆمەڵی دادگەری راگەیەندرا

ئەمڕۆ بافڵ جەلال تاڵەبانی سەرۆکی یەکێتیی نیشتمانیی کوردستان بە سەرۆکایەتی وەفدێکی باڵای یەکێتی سەردانی کۆمەڵی دادگەری کوردستانی کرد و لەلایەن مامۆستا عەلی باپیر سەرۆکی کۆمەڵی دادگەری و وەفدێکی باڵای کۆمەڵی دادگەرییەوە پێشوازی لێکرا و دوای کۆبوونەوەکە راگەیەندراوێکی هاوبەشیان بڵاوکردەوە.

لە راگەیەندراوی کۆبوونەوەکەدا هاتووە، لە کۆبوونەوەکەدا گفتوگۆ دەربارەی بارودۆخی سیاسی هەرێم و عێراق و ناوچەكە كراو جەختیش كرایەوە لەپێویستی پاراستنی بەرژەوەندییە باڵاكانی خاك و خەڵكی كوردستان، هەموو لایەنەکانیش پێکەوە هەوڵەکانیان بخەنەگەڕ بۆ چارەسەرکردنی ڕیشەیی بژێوی هاوڵاتیان بەگشتی و موچەخۆران بەتایبەتی.

لەبەشێکی دیکەی راگەیەندراوەکەدا هاتووە، یەکێتی و کۆمەڵی دادگەری بە پەرۆشەوە تەئکیدیان کردەوە لە درێژەدان بە گفتوگۆ و دیالۆگی نیشتمانیی لە هەرێم بە شێوەیەک لەبەرامبەر پرسە چارەنووسسازەکان کۆدەنگی نیشتمانیی دروستبکرێت و یەک گوتاری نیشتمانیی ئاڕاستەی بەغدا بکرێت کە سەرچاوەکەی دیدگای باڵای کوردستانی بێت کە بۆئەوەش یەکخستنی هەوڵەکان و لابردنی بەربەستەکانی بەردەم پەیوەندی لایەنە سیاسیەکانی هەرێم بە پێویست زانرا .

لە کۆتایی راگەیەندراوەکەدا ئەوە ئاشکراکراوە، دۆخی نەخوازراوی ناوچەکە ، پرسی هەڵبژاردن دوو تەوەری تری کۆبوونەوەکە بوون کە بە وردی تاوتوێکران و دووپات لە پاراستنی سەقامگیری ئاسایش و ئارامی هەرێم ، لابردنی ئاستەنگەکانی بەردەم هەڵبژاردن کرایەوە بە شێوەیەک هەموو هەوڵەکان بخرێنە گەڕ تا هەڵبژاردنێکی پاک و بێگەرد کە وەڵامدەرەوەی خواستی هەمووان بێت لە کاتی خۆیدا بەڕێوەبچێت هاوکات جەخت لەسەر برەودان و بەهێزكردنی پەیوەندییە دوو قۆڵیەكانی هەردولا كرایەوە.

بابەتی پێشتر

بیل گەیتس: زیرەکی دەستکرد رۆژانی کارکردن بۆ سێ رۆژ کەمدەکاتەوە

بابەتی دواتر

دوایین زانیاری لەبارەی هاوتاكردنی مووچەی هەرێم لەگەڵ بەغداد بڵاوكرایەوە

بابەتی پەیوەندیدار
زیاتر ببینە

نرخی نەوتی سپی زیاتر دابەزی

وتەبێژی بەنزینخانەكانی سلێمانی رایدەگەیەنێت، نرخی نەوتی سپی لە بەنزینخانەكاندا دابەزیوە و یەك بەرمیل نەوت نرخەكەی لە نێوان 135…
Total
0
Share