سەرۆكی كۆمەڵەی كێڵگە پەلەوەرییەكان رایدەگەیەنێت، بە بەراورد بە چەند رۆژی رابردوو نرخی مریشك لە كێڵگە پەلەوەرییەكان دابەزینی بەخۆوە بینیوە و یەك كیلۆ مریشك لە كێڵگە پەلەوەرییەكان بە دوو هەزار و 700 دینار بۆ سێ هەزار و 100 دینار بە دوكاندارەكان دەفرۆشرێت.
نازم عەبدوڵا سەرۆكی كۆمەڵەی كێڵگە پەلەوەرییەكان لە لێدوانێكدا بە تۆڕی میدیایی ئێستای راگەیاند، نرخی مریشك لە كێڵگە پەلەوەرییەكان بە بەراورد بە چەند رۆژی رابردوو دابەزینی بەخۆوە بینیوە و ئومێدەوارین خاوەنی كێڵگە پەلەوەرییەكان زەرەرمەندنەبن و یەك كیلۆ مریشك لە كێڵگە پەلەوەرییەكان بە دوو هەزار و 700 دینار بۆ سێ هەزار و 100 دینار بە دوكاندارەكان دەفرۆشرێت و چەند رۆژێك لەمەوبەر یەك كیلۆ مریشك لە كێڵگە پەلەوەرییەكان گەیشتە سێ هەزار و 500 دینار.
راشیگەیاند، تێچووی غاز و نەوت لەسەر خاوەنی كێڵگە پەلەوەرییەكان زۆرە حكومەت هاوكاریان نییە و ئێستا كە بەهای دۆلار بەرزبوونەوەی بەخۆوە بینیوە زەرەرمەندبوون، بەو پێیەی بەشێكی پێویستییەكانیان بە دۆلار دەكڕن و بەرهەمەكانیان دواتر بە دینار دەخەنە بازاڕەوە.
