فازل حاجی لە پۆستی وتەبێژی هاتوچۆی هەولێر دوورخرایەوە و عەقید هێمن حەمەدئەمین خرایە شوێنەکەی.
بەپێی نووسراوێکی بەڕێوەبەرایەتیی هاتوچۆی هەولێر، عەقید فازڵ حاجی لێپرسراوی راگەیاندن و پەیوەندیەکانی هاتوچۆی هەولێر، گواسترایەوە بۆ بنکەی هاتوچۆی دارەتوو بە وەکالەت و لە بری ئەویش عەقید هێمن حەمەدئەمین کرایە وتەبێژی هاتوچۆی هەولێر.
لای خۆیەوە فازل حاجی ئاشکرایکرد، لەپاش 13ساڵ کارکردن و مانەوە لە پۆستی وتەبێژی بەڕێوەبەرایەتیی هاتووچۆی هەولێر، ئەمڕۆ بە فەرمانێکی وەزارەتی ناوخۆ گواسترامەوە بۆ بەشێکی دیکە لەبەڕێوەبەرایەتیی هاتووچۆی هەولێر.
ئاماژەی بەوەشکرد، سوپاس بۆ خوا کە گواستنەوەکەم وەکو رێکارێکی کارگێڕی ئاساییە، سوپاسی هەمو لایەک دەکەم من سەربازم لەهەر کوێیەک بێت ئەرکی خۆم بەجێدەگەیەنم.
