به‌تۆمه‌تی دزینی ئۆتۆمبێلێكی بارهەڵگر، مەفرەزەکانی نوسینگەی نەهێشتنی دزینی ئۆتۆمبێل لە سلێمانی تۆمه‌تبارێكیان دەستگیرکرد.
بەڕێوەبەرایەتیی پۆلیسی سلێمانی بڵاویکردەوە، دوای ئەوەی هاوڵاتییەك سكاڵای یاسایی تۆماركرد كە پاش ئه‌وه‌ی ئوتۆمبێله‌كه‌ی په‌كی كه‌وتووه و جێیهێشتووه، به‌ڵام كاتێك گه‌ڕاوه‌ته‌وه ئوتۆمبێله‌كه‌ی لێی دزراوه، دەستبەجێ هێزەکانی پۆلیس لێكۆڵینەوە و بەدواداچونەكانیان بۆ دۆزینه‌وه و ده‌ستگیركردنی تۆمه‌تبار دەستپێكرد، سەرەنجام‌و دوای وەرگرتنی بڕیاری دادوەر، توانرا تۆمەتبار بدۆزرێتەوە دەستگیربکرێت و دەستیش بەسەر بارهەڵگرەکەدا بگیرێت.
ئاماژەی بەوەشکرد، تۆمەتبار (ر، ج، ع) له‌دایكبووی 1993 دانی بەتاوانەکەیدا ناوەو لەئێستادا بە بڕیاری دادوەرو بەپێی ماددەی 446 لەیاسای سزادان راگیراوه و لێكۆڵینەوەكان بەردەوامن.
