ئاسایشی سۆران بڵاویکردەوە، کەسێک دەستگیرکراوە کە بە هەژماریی ساختەی فەیسبوک چەندین کەسی هەڵخەڵەتاندووە و داواش دەکات کێ سکاڵای لە دژی هەیە سەردانیان بکات بە مەبەستی تۆمارکردنی سکاڵای یاسایی.
بەڕێوەبەرایەتیی ئاسایشی سۆران بڵاویکردەوە، لە سەر سکاڵای هاوڵاتییەک بە ناوی (ر-ع-ر)، لە لایەن هیزەکانمان دوای وەرگرتنی بڕیار و رەزامەندی دادوەری لێکۆڵینەوەی سۆران، تۆمەتبارێک بە رەگەز نێر بە ناوی (م-ص-م) دانیشتووی سنووری قەزای خەلیفان، دەستگیرکرا کە هەڵساوە بە دروستکردنی هەژماری فەیسبوک بە ناوی (Rayan Ahmad) و بەم ناوەوە فێڵی لە چەندین پیاو کردووە و پارە و کارتی مۆبایلی لێوەرگرتوون و دواتر بلۆکی کردوون.
داوایشیکرد، هەرکەسێک سکاڵای یاسایی لە سە ر ئەم ئەکاونتەی فەیسبوک هەیە با سەردانمان بکات لە بەڕێوەبەرایەتیی ئاسایشی سۆران.
