فەرەنسا تاقیكردنەوەیەكی سەركەوتووی لە هەڵدانی مووشەكێكی بالیستیی ستراتیجی لە جۆری ئێم 51.3 ئەنجامدا.
سوپای فەرەنسا بڵاویكردەوە، تاقیكردنەوەكە لە ناوچەی لاند-ی باشووری وڵات ئەنجامدراوە.
سیباستیان لۆكۆرنۆ، وەزیری سوپا سەرەڕای راگەیاندنی سەركەوتنی تاقیكردنەوەكە لە تۆڕی ئێكسەوە رایگەیاند، ئەم پێشهاتە متمانەی توانای رێگریی ئەتۆمی و باڵادەستی توانای هەڵدانی مووشەكمان نیشان دەدات.
بەپێی راگەیەندراوی وەزارەتەكە مووشەكەكە لە باكووری زەریای ئەتڵەنتیك، لە دووری سەدان كیلۆمەتر لە سەرجەم كەناراوەكانەوە خراوەتە خوارەوە.
