جێگری یەکەمی سەرۆکی ئەنجومەنی نوێنەرانی عێراق بڕیاریدا کۆبوونەوەی ئەمڕۆ بۆ ماوەی چەند کاتژمێرێک دوابخات.
موحسن مەندەلاوی جێگری یەکەمی سەرۆکی ئەنجومەنی نوێنەرانی عێراق بڕیاریدا، کۆبوونەوەی نائاسایی ئەمڕۆی ئەنجومەنی نوێنەران بۆ کاتژمێر 9:00ی ئەمشەو دوابخات.
دواخستنی کۆبوونەوەی ئەنجومەنی نوێنەران بەهۆی ئامادەنەبوونی ژمارەی یاسایی ئەندامانی ئەنجومەنی نوێنەرانەوە بووە.
بڕیارە لە کۆبوونەوەکەی ئەمشەودا خوێندنەوەی دووەم بۆ پرۆژە هەمواری یاسای کۆمسیۆنی باڵای هەڵبژاردنەکان ژمارە 31 ی ساڵی 2019 بکرێت.
