لە کۆبوونەوەی ئەمڕۆی ئەنجومەنی وەزیرانی عێراقدا، پرسی مووچەی مووچەخۆرانی هەرێمی کوردستان تاوتوێدەکرێت و رەنگە بڕیار لەسەر ناردنی مووچەی مانگی پێنج بدرێت.
بەپێی ئەو زانیارییانەی بە تۆڕی میدیایی ئێستا دراون، ئەمڕۆ سێشەممە، ئەنجومەنی وەزیرانی عێراق کۆبوونەوەی ئاسایی ئەنجامدەدات و بڕیاری ناردنی پارە بۆ مووچەی مانگی پێنجی مووچەخۆرانی هەرێمی کوردستان، ئەگەرێکی بەهێزە.
هەر بەپێی زانیارییەکان، ئەو پارەیەی بەغداد بۆ مووچەی مانگی پێنج دەینێرێت، بەشێوەی قەرز دەبێت و پێویستە لە داهاتوودا، هەرێم پارەکە بگەڕێنێتەوە.
لە زانیارییەکاندا ئەوەش هاتووە، ئەگەر ئەمڕۆ بەغداد پارەی مووچەی مانگی پێنج بنێرێت، پێش هاتنی جەژن مووچەی مووچەخۆرانی هەرێمی کوردستان دابەشدەکرێت.
