سەرۆكی لیستی هاوپەیمانیی كەركوك هێز و ئیرادەمانە رایگەیاند، بەڵێن دووپاتدەكەینەوە دەبینە قەڵغانێك بۆ بەرگریكردن لە خەڵكی كەركوك و دەشڵێت، “سەردەمی سەپاندنی هێز لە كەركوك كۆتاییهاتووە”.
رێبوار تەها سەرۆكی لیستی هاوپەیمانیی كەركوك هێز و ئیرادەمانە لە رێوڕەسمی ناساندنی كاندیدەكانی لیستی هاوپەیمانیی كەركوك هێز و ئیرادەمانە رایگەیاند، سیستمی بەڕێوەبردن لە كەركوك ئیفلیج بووە و خەڵكی كەركوك باجەكەی دەدەن، بۆیە پێویستی بە چارەسەری بنەڕەتی هەیە و دەتوانین لە رێگای ئەنجومەنی پارێزگاوە خزمەتی كەركوك و كەركوكییەكان بكەین.
سەرۆكی لیستی هاوپەیمانیی كەركوك هێز و ئیرادەمانە وتیشی، “بەڵێن دووپاتدەكەینەوە دەبینە قەڵغانێك بۆ بەرگریكردن لە خەڵكی كەركوك و سەردەمی سەپاندنی هێز كۆتاییهاتووە و سازش لە ماف و خواستی ڕەوای كورد لە كەركوك ناكەین”.
