قائیمقامیەتی قەزای دەربەندیخان رایدەگەیەنێت، “لەپێناو سەلامەتی ژینگەی ئاژەڵە کێوییەکان بڕیارماندا بە قەدەغەکردنی هاتوچۆکردن بۆ سەر شاخی بەرانان”.
لە راگەیەندراوێکدا قائیمقامیەتی قەزای دەربەندیخان ئاماژە بەوە دەکات، “لەسەر پێشنیاری بەشی پۆلیسی دارستان و ژینگەی دەربەندیخان، بەهۆی وەرزی کەڵە هەرزەوە و لەپێناو سەلامەتی ژینگەی ئاژەڵە کێوییەکان و پاراستنی سروشت و ژینگەی ناوچەکەمان بڕیارماندا بە قەدەغەکردنی هاتوچۆکردن بۆ سەر شاخی بەرانان و ئەو جێگانەی کە ئاژەڵی کێوی تێدایە تا 15ی کانوونی یەکەمی 2023”.
دەشڵێت، “بەشێوەیەکی بەردەوام لەلایەن مەفرەزەکانی بەشی پۆلیسی دارستان و ژینگەی دەربەندیخان بەشێوەی گەڕۆک و کامێرای چاودێری و لەڕێگەی درۆنەوە، چاودێری سەر شاخی بەرانان دەکرێت و هەر کەسێک سەرپێچی بکات رووبەڕووی رێکاری یاسایی دەکرێتەوە”.
