هاتوچۆی سلێمانی شۆفێران ئاگادار دەكاتەوە كە لەماڵەكانیان بمێننەوە و نەیەنە دەرەوە، چونكە شۆفێریکردن مەترسیدارە.
لە ئاگادارییەكەی بەڕێوەبەرایەتیی هاتوچۆی سلێمانی هاتووە، “ئاگادای سەرجەم شۆفێران و هاوڵاتییانی شاری سلێمانی دەکەین کە لە ئێستادا بەفرێکی زۆر لە سەنتەری شاری سلێمانی باریووە و شۆفێریکردن مەترسیدارە و ئەگەری ڕووداوی هاتووچۆ زیاترە”.
دەشڵێت، “تکا و داوامان وایە ئەگەر کارێکی زۆر پێویستتان نییە تکایە لە ماڵەکانتان بمێننەوە لەبەر سەلامەتی گیانی خۆتان”.
ماوەی چەندڕۆژێكە شەپۆلێكی بەفربارین و سەرما ڕووی لە سلێمانی كردووە و لە شەوی ڕابردووشەوە شەپۆلێكی بەفربارین سەنتەری شارەكەی گرتووەتەوە.
