سبەى چوار شەممە کاتژمێر 11ی شەو لە چامپیۆنزلیگدا یانەى ڕیاڵ مەدرید لەناو یاریگاى خۆی میوانداری یانەى سپۆرتینگ براگا دەکات.
پێش ئەو یارییە ئەنچیلۆتی بەم جۆرە باسی دۆخی یانەکەى کرد:
/ پێویستە قۆناغی کۆمەڵەکان بەشێوەیەکی باش کۆتایی پێبهینین، پێویستە کۆشش بکەین ، براگا یانەیەکی بەهێزە و دەیانەوێت خاڵ بەدەست بهێنن
/ بردنەوە تاکە شتێکە کە ئێمە دەمانەوێت، ئەگەر بیبەنەوە دۆخێکی باشە و یەکسان بین یان بدۆرێین خراپە، بردنەوە تاکە شتێکە کە ئێمە دەیکەن بە پێوەر
/ بیلینگهام چاکبۆتەوە و هەستی بە ئازار نەکردووە، لە ڕاهێنانەکان دورمانخستەوە بۆ ئەوەى توشی بەرکەوتن نەبێت، سبەى بریاری کۆتایی لەسەر دەدەین
/ ئەگەر پۆیۆل دەیەوێت لەگەڵ ڤینیسیۆس قسە بکات با بیکات، خیبرەى زۆرە و ئەتوانێت هاوکاری بکات، ڤینیسیۆس دەکرێ رەوشتی باشتر بکات بەڵام ئێستاش زۆر باش بووە و ئێمە دڵخۆشین پێی، ئەو لە پێشکەشکردنی ئاستی بەرز و جوهد کرد بەردەوامە
/ هەست بە پشتگیرییەکی زۆر دەکەم لە لایەن هاندەرانەوە، من لێرە زۆر دڵخۆشم
/ پێموانیە لە بازاری گواستنەوەى زستانەدا هیچ یاریزانێک بکرین، پێکراوەکان دەگەڕێنەوە بەڵام نازانم کەی، بەڵام بە دڵنیاییەوە هیچ یاریزانێکی تر ناکرین
/ ئیبراهیم دیاز زۆر یاریی بەر نەکەوتوە، بەڵام دەزانیت کە ئەو یاریزانێکی گرنگە بۆ ئێمە و پیشەگەرێکی زۆر باشە و قسەشم لەگەڵ کردوە
