بەڕێوەبەرایەتیی کەشناسی کەشوهەوای ئەمڕۆ و سبەینێی ناوچەکانی هەرێمی کوردستانی بڵاوکردەوە، بەپێی پێشبینییەکانی کەشناسی ئەمڕۆ و سبەینێ خۆڵبارین بەردەوام دەبێت، لەگەڵ بوونی نمەباران.
بەڕێوەبەرایەتیی گشتیی کەشناسیی هەرێمی کوردستان ڕایگەیاند، لە پارێزگاکانی هەرێمی کوردستان ئەمڕۆ سێشەممە ئاسمان نیمچەهەور و هەوری تەواو دەبێت، لەگەڵ نمەباران.
بەپێی پێشبینییەکانی کەشناسی لەسەرەم ناوچەکانی هەرێمی کوردستان خۆڵبارین بەردەوام دەبێت.
هەروەها سبەینێ چوارشەممە، ئاسمان نیمچەهەور و هەوری تەواو دەبێت، لەگەڵ بارینی نمەباران لە ناوچە شاخاوییەکان، کەشناسی پێشبینیی زیاتربوونی خۆڵبارین دەکات لە پارێزگاکانی هەولێر و سلێمانی لە دواینیوەڕۆی سبەینێوە.
