بەهۆی بەركەوتنی بە تەزووی كارەبا كرێكارێك لەكاتی كاركردندا لە هەولێر گیانیلەدەستدا.
ئەمڕۆ لەكاتی كاركردنیدا لەناو زانكۆی جیهان لە هەولێر كرێكارێك بەر تەزووی كارەبا كەوت و بەهۆیەوە گیانیلەدەستدا.
كرێكارەكە خەڵكی شاری (نەغەدە)یە لە رۆژهەڵاتی كوردستان، خێزاندارە و خاوەنی سێ منداڵە.
عوسمان حەمەسەعید، بەرپرسی لقی سلێمانیی سەندیكای كرێكاران لەسەر رووداوەكە دەڵێت، جێگای رەخنەیە كە حكومەتی هەرێم و بەتایبەت وەزارەتی كار و كاروباری كۆمەڵایەتی هیچ هەوڵێكی بەرچاوی نییە بۆ باشكردنی ژینگەی كار و شوێنی كاری كرێكاران.
