پارێزگاری بەغداد رایدەگەیەنێت، “لە ساڵی داهاتوو سێ نەخۆشخانەی گەورە لە بەغداد دەکەینەوە”.
محەمەد جابر، پارێزگاری عێراق لە لێدوانێکیدا بۆ رۆژنامەی سەباح ئاماژەی بەوە کرد، “چوار پڕۆژەی ستراتیژیمان هەیە بۆ دروستکردن و نۆژەنکردنەوەی چەند نەخۆشخانەیەکی گەورە لە پایتەخت، کە بریتین لە کردنەوەی نەخۆشخانەکانی شەعب و فەزیلەت کە هەریەکەیان 200 قەرەوێڵەین لەگەڵ نەخۆشخانەی حوریە تەعلیمی کە 400 قەرەوێڵەییە”.
ئەوەشی خستەڕوو، “لە هەمان ساڵدا پڕۆژەی فراوانکردن و نۆژەنکردنەوەی نەخۆشخانەی نومان دەچێتە بواری جێبەجێکردنەوە و 75 قەرەوێڵەی بۆ زیاددەکرێت”.
سەبارەت بە ناوەڕۆکی نەخۆشخانەکان دەڵێت، “ئەو پڕۆژانە دامەزراوەی تەندروستی یەکگرتوون کە ئامێری پێشکەوتوویان بۆ دابین دەکرێت و بینای نیشتەجێبوون بۆ پزیشکانیش لەخۆدەگرێت، ئەمە بێجگە لەوەی ڕێککەوتنێک کراوە بۆ دابینکردنی کارمەندی تەندروستی پێشکەوتوو لەسەر ئاستی عێراق”.
