فەرمانگەی ژینگەی گەرمیان رایدەگەیەنێت، “ئەو کۆمپانیایەی ژمارەیەک درەختی بڕیبووەوە دراوە بە دادگا”.
لەبارەی بڕینەوەی ژمارەیەک درەخت لەلایەن کۆمپانیایەکەوە، فەرمانگەی ژینگەی گەرمیان ئاماژەی بەوەکرد، “لیژنەی بەدواداچوونی ژینگەیی لە فەرمانگەکەمان سەردانی ئەو شوێنەی کرد کە تێیدا لەلایەن کۆمپانیایەکی بواری نیشتەجێبوونەوە ژمارەیەک درەخت بڕدرابوونەوە”.
ئەوەشی خستۆتەڕوو، “سەبارەت بەو بابەتە نووسراومان ئاڕاستەی دادگای بەرایی کەلار کردووە بە مەبەستی گرتنەبەری ڕێکاری یاسایی”.
ئەوەش لەکاتێکدایە، لە چەند رۆژی رابردوودە ژمارەیەک درەخت لەسەر شۆستەی شەقامی سەرەکی بەردەسور لە کەلار لەلایەن کۆمپانیایەکی بواری نیشتەجێبوونەوە بڕدرابوونەوە.
