سبەینێ بۆ یەکەمجار، هەڵبژاردنی ژووری بازرگانیی پارێزگاکانی هەرێم لە دوای مانگی نیسانی ساڵی 2006ەوە بەڕێوەدەچێت.
بۆ یەکەمجار ژووری بازرگانیی پارێزگاکانی هەرێمی کوردستان دوای زیاتر لە 17 ساڵ هەڵبژاردن ئەنجامدەدات و تێیدا 13 ئەندامی ئەنجومەنی ژووری بازرگانی لە پارێزگای سلێمانی، 13 لە هەولێر، 11 لە دهۆک و 9 ئەندامیش لە هەڵەبجە هەڵدەبژێردرێن.
بڕیاریشە هەڵبژاردنەکە لە کاتژمێر 8:00ی بەیانی دەستپێبکات و تاکو 5:00ی ئێوارە بەردەوامبێت، هاوکات بڕیاریشە دوای هەڵبژاردنی ئەندامانی ئەنجومەنەکە، سەرۆکی ئەنجومەن و دوو جێگرەکەی لەلایەن ئەو ئەندامانەوە هەڵبژێردرێن.
