بەیانی ئەمڕۆ لە رووداوێکی هاتوچۆی سەختدا لە میسر 32 کەس گیانیان لەدەستدا و 63 کەسیش برینداربوون.
میدیاکانی میسر بڵاویانکردەوە، لە پارێزگای بەحیر رووداوێکی هاتوچۆ لەنێوان پاسێک و چەند ئۆتۆمبێلێکدا روویداوە و لە ئەنجامدا ژمارەیەک لە ئۆتۆمبێلەکان ئاگریان گرتووە.
ئاشکراشیانکرد، لە رووداوەکەدا 32 کەس گیانیان لەدەستداوە و 63 ی دیکەش برینداربوون و گواستراونەتەوە بۆ نەخۆشخانەکان و سێ کەسیش لە شوێنی رووداوەکە چارەسەریان بۆ کراوە.
لە ئێستادا لێکۆڵینەوەکان لە رووداوەکە دەستیپێکردووە و تا ئێستا هۆکارەکەی ئاشکرانەکراوە.
