سەعید خەتیبزادە، یاریدەدەری وەزیری دەرەوەی ئێران ڕایگەیاند، هێرش بۆسەر کەشتییەکانمان کە ژمارەیەک گەنج بەهۆیەوە گیانیان لەدەستدا، بێ وەڵام نابێت.
سەعید خەتیبزادە ڕایگەیاند، کەشتییەکەی ئێران کە لە خولێکى راهێنان لە هیندستان دەگەڕایەوە، بێ چەک و بێ هیچ بارێکی سەربازی بوو، بۆ بەشداری لە مانۆڕێکی سەربازی لەو وڵاتە بووە و لەکاتى گەڕانەوەکەى، لە نزیک ئاوەکانى سریلانکا بەئامانجگیرا.
باسی لەوەشکرد، بەهۆی هێرشەکەوە، زۆرێک لە گەنجانی دەریاوانی ئێرانی گیانیان لەدەستداوە و کارێکی لەو جۆرە بێ وەڵام نابێت.
لە هیندستان نمایشێکى هێزى دەریایی وڵاتان بەڕێوەچوو، ئێران بە کەشتییەک و زیاتر لە 100 سەربازى هێزى دەریایی بەشدارییکرد؛ هێزە دەریاییەکانى ئێران لەکاتی تەواوبوونی نمایشەکە، لە ڕێی گەڕانەوە بوون بۆ ئێران، بەڵام لەکاتى گەڕانەوەیان، کەوتنە بەر هێرشى ئەمریکا و ئیسرائیل.
دواتر ئێران ڕایگەیاند، زیاتر لە 80 سەرباز کوژراون و بێسەروشوێن بوون.
