لە ناحیەی دارەتوو بەهۆی دروستبوونی شەڕ و ناكۆكی لەنێوان دوو خێزاندا دوو كەس كوژران و پێنجی دیكەش برینداربوون.
پەیامنێری تۆڕی میدیایی ئێستا ئەمڕۆ سێشەممە 29ی كانونی یەكەم پێی ڕاگەیاندین، ئێوارەی ئەمڕۆ ناكۆكی و دواتریش شەڕ لەنێو دوو خێزانی خزمی یەكتری ناحیەكەدا ڕوویداوە و بەهۆیەوە دوو كەس لە هەردوولا كوژراون و پێنجی دیكەش برینداربوون.
بریندارەكان ڕەوانەی نەخۆشخانە كراون و باری تەندروستی هەندێكیان ناجێگیرە.
پەیامنێرمان ئەوەشی وت، هەردوو خێزانەكە كێشەیەكی كۆنی كۆمەڵایەتییان هەبووە.
ناحیەی دارەتوو سەر بە پارێزگای هەولێرە و دەكەوێتە باشووری ڕۆژهەڵاتی شارەكە.
