وەزارەتی کار و کاروباری کۆمەڵایەتیی هەرێم لە قەزای سەیدسادق بەڕێوەبەرایەتیی چاودێریی کۆمەڵایەتی کردەوە و وەزیرەکەشی لەبارەی کردنەوەی سەنتەرێکی ئۆتیزمەوە بڕیارێکی دەرکرد.
بەئامادەبوونی ژمارەیەک لە دانیشتووانی سنوورەکە و بەرپرسان، وەزارەتی کار و کاروباری کۆمەڵایەتیی هەرێمی کوردستان لە قەزای سەیدسادق بەڕێوەبەرایەتیی چاودێری کۆمەڵایەتی کردەوە و لە لێدوانێکیدا کوێستان محەمەد، وەزیری وەزارەتی کار رایگەیاند، “ئەم قەزایە شایستەی خزمەتگوزاری زیاترە”.
ئەو وەزارەتە دەشڵێت، “بەکردنەوەی ئەو بەڕێوەبەرایەتییە، پێویست ناکات هاوڵاتییانی سنوورەکە سەردانی سلێمانی بکەن بۆ راپەڕاندنی کارەکانیان چونکە لە بەڕێوەبەرایەتییەکە مامەڵەکانیان بۆ جێبەجێدەکرێت”.
وەزیری وەزارەتی کار و کاروباری کۆمەڵایەتیی هەرێم سەبارەت بە کردنەوەی سەنتەرێکی ئۆتیزم لەو ناوچەیە ئەوەی ئاشکرا کرد، “تا ئێستا 40 منداڵی توشبووی ئۆتیزم لە سنووری سەیدسادق ناویان تۆمارکراوە و سەنتەرێکی ڕاهێنانی شایستەیان بۆدەکەینەوە”.
