چەكدارانی داعش هێرشێكیان بۆ سەر گوندێكی سنوری ناحیەی جەلەولا ئەنجامدا و بەرپرسێكی ئاسایش دەڵێت، هاوڵاتییەك كوژراوە و یەكێكی دیكەش بریندارە.
عەقید شەماڵ عەبدولڕەحمان، بەڕێوبەری ئاسایشی كوڵەجۆ ئەمڕۆ سێشەممە 29ی كانونی یەكەم بە تۆڕی میدیایی ئێستای وت، ئەمشەو ژمارەیەك لە چەكدارانی داعش هێرشیان كردەسەر گوندی ئوم حونتە لە سنووری ناحیەی جەلەولا.
وتیشی، “چەكدارەكان چوونەتە ناو گوندەکەوە و شەڕ و پێکدادان ڕویداوە، لە ئاكامدا هاوڵاتیەک بەناوی (ع. ف) کوژراوە و یەکێکی دیکەش بریندارە”.
بەپێی وتەی بەرپرسەكەی ئاسایش شەڕ لە گوندەكە درێژەی هەیە.
