قائیمقامییەتی قەزای دوكان رایدەگەیەنێت، بە دوو قۆناغ نەوتی سپی بەسەر هاوڵاتییانی سنووری قەزاكە دابەشدەكرێت.
بەپێی راگەیەندراوێكی قائیمقامییەتی قەزای دوكان كە وێنەیەكی دەست تۆڕی میدیایی ئێستا كەوتووە و تێیدا هاتووە، ئاگاداری ھاوڵاتییانی ھەر یەك لە ناحییەكانی ( سوورداش، خەلەكان، بنگرد و خدران) دەكات لە سبەینێوە دەستدەكرێت بە دابەشكردنی نەوتی سپی وەك قۆناغی یەكەم و لە قۆناغی دووەمیشدا كەلە چەند رۆژی داھاتوودا دەست بە دابەشكردنی دەكرێت و هاوڵاتییان و دانیشتووانی ناوەندی قەزای دوكان و ناحیەی پیرەمەگروون دەگرێتەوە.
هەر لە راگەیەندراوەكەدا هاتووە، ئاگاداری ئەو خێزانانەش دەكات كە تازەپڕۆسەی ھاوسەرگیرییان ئەنجامداوە و مامەڵەی پسووڵەی نەوتیان كردووە و ئەم ناوانەی خوارەوە لە ئێستادا پسووڵەی نەوتیان بۆ گەڕاوەتەوە و ھەر سبەینێ دەتوانن لەدوای كاتژمێر 10ی بەیانی سەردانی دیوانی قائیمقامییەت بەشی خۆراك بكەن بە مەبەستی وەرگرتنەوە و سوودمەندبوونیان لەو بەشە نەوتەی بەسەر ھاوڵاتییاندا دابەشدەكرێت.
