بەڕێوەبەرایەتیی بەرگریی شارستانیی سلێمانی رایدەگەیەنێت، تائێستا ئاگرەكەی كارگەی بەرهەمهێنانی قیر لەسەر رێگای عەربەت – سلێمانی كۆنترۆڵ نەكراوە و تیمەكانی بەرگریی شارستانی لە هەوڵی كۆنترۆڵكردنی ئاگرەكەدان.
بەپێی راگەیەندراوێكی بەڕێوەبەرایەتیی بەرگریی شارستانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، زیاتر لە 15 كاتژمێرە كارمەندانی بەرگریی شارستانی و سەرجەم ئەفسەرانی بنكەكان لە هەوڵی كۆنتڕۆڵكردنی ئاگرەکەی كارگەی بەرهەمهێنانی قیرەکەی سەر ڕێگای عەربەت – سلێمانین وتائێستا ئاگرەکە کۆنتڕۆڵ نەکراوە
هەر لە راگەیەندراوەكەدا هاتووە، بەهۆی بوونی زۆریی سووتەمەنییەوە تائێستا ئاگرەکە کۆنتڕۆڵ نەکراوە و تیمەكانی بەرگریی شارستانی لە هەوڵی كۆنترۆڵكردنی ئاگرەكەدان.
