لە دوای هەڵاتن و رووبەڕووبونەوە لەگەڵ هێزەکانیان ئاسایشی سلێمانی دوو تۆمەتباری دەستگیرکرد

بەڕێوەبەرایەتیی ئاسایشی سلێمانی رایگەیاند، دوو تۆمەتبار کە لە بازگەیەک لە دەست هێزە ئەمنییەکان هەڵاتبوون و دواتر روبەڕوویان بوبوونەوە، دەستگیرکران.

بەڕێوەبەرایەتیی ئاسایشی پارێزگای سلێمانی ئەمڕۆ پێنجشەممە بڵاویکردەوە، “ئێوارەی ئەمڕۆ لە کاتێکدا هێزەکانمان لە ئەرکی فەرمی و راپەڕاندنی رێککارە یاسایی و ئەمنییەکانی خۆیاندا بوون لە بازگەی سلێمانی، دوو ئۆتۆمبێل خاڵی پشکنینیان بەزاند و ھەڵاتن و رووبەڕووی ھێزەکانمان بوونەوە و دوو کارمەندنی ئاسایشیان بریندارکرد”.

ئاماژەی بەوەش کرد، “دوای گرتنەبەری رێککاری ئەمنی بەرامبەریان تۆمەتبارێکیان بە برینداری دەستگیرکرا و ئۆتۆمبێلەکەی ترشیان لە رێڕەوی خۆی لایدا و وەرگەڕا و تۆمەتباری دووەمیش دەستگیرکرا”.

باسی لەوەش کرد، “دوای پشکنین دەرکەوت لەناو ئۆتۆمبێلی یەکێک لە تۆمەتبارە ھەڵھاتووەکان بارێکی چەک ( 267 پارچە چەک، فیشەک و تەقەمەنی )ی پێبووە و مەرامی بووە ھەڵبێت و لە دەرەوەی یاسا خۆی دەرباز بکات”.

ئاشکراشی کردووە، “ئەم رووداوە رێڕەوی یاسایی خۆی وەرگرتووە و لێکۆڵینەوەی ورد لەو بارەیەوە دەستیپێکردووە، بەپێی زانیارییەکان دەرکەوتووە تۆمەتباری لەیاسا ھەڵھاتوو کە بە برینداری دەستگیرکرا پێشتر داواکراوبووە لەلایەن دادگاوە”.

بابەتی پێشتر

وەزارەتی پەروەردە گەنجینەی خێزان رادەگەیەنێت

بابەتی دواتر

سلێمانی.. تاوانبارێكی هەڵاتوو دەستگیركرا

بابەتی پەیوەندیدار
زیاتر ببینە

بەغداد بەڵێنێك بە هەرێم دەدات

وەزارەتی بازرگانیی عێراق بەڵێندەدات كێشەی دابەشنەكردنی ئارد لە هەرێمی كوردستان چارەسەربكات. موسەننا ئەمین، ئەندامی ئەنجومەنی نوێنەرانی عێراق ڕایگەیاند،…
Total
0
Share