ئێوارەی ئەمڕۆ گەنجێك لەكاتی مەلەكردندا لە ئاوی دوكان خنكا و هێشتا تەرمەكەی نەدۆزراوەتەوە.
سەرچاوەیەک لە پۆلیسی دوکان بە تۆڕی میدیایی ئێستای راگەیاند، کاتژمێر 4:30 خولەكی ئێوارەی ئەمڕۆ گەنجێک لە دەریاچەی دوکان خنکا.
وتیشی، “ئەو گەنجە بە رەگەز عەرەبە و تەمەنی 25 ساڵە و خەڵکی بەغدایە، لەگەڵ براکەی بۆ گەشت و سەیران هاتونەتە دوکان و لەکاتی مەلەکردندا خنکاوە”.
تائێستا تەرمی گەنجە خنکاوەکە نەدۆزراوەتەوە و گەڕان بەدوایدا بەردەوامە، سەرچاوەكە وایوت.
