شارەزایەکی بواری کەشناسی رایدەگەیەنێت، کاریگەریی یەکەم پەستان نزمیی وەرزی زەریای هیندی دەستپێدەکات و پلەی گەرمی نزیکدەبێتەوە لە 50 پلەی سیلیزی.
سیروان ساڵح، شارەزای بواری کەشناسی و بوومەلەرزەزانی بڵاویکردەوە، بەهۆی کاریگەریی ناوچەیەکی پەستان نزمی گەرمی وەرزی زەریای هیندی، پلەی گەرمی له تەواوی عێراق و هەرێمی کوردستان چەند پلەیەک بەرزدەبێتەوە.
ئاماژەی بەوەشکرد، لە ناوچەکانی ناوەڕاست و باشووری عێراق، ئەگەر هەیە پلەی گەرمی بگاتە 50 پلە، لە بەشێکی ناوچە دەشتاییەکانی ناوەڕاست و باشووری گەرمیانیش، ئەگەر هەیە لە نێوان کاتەکانی نیوەڕۆ تا دواینیوەڕۆ، بگاتە 47 پلە.
