وەزیری دارایی هەرێم رایدەگەیەنێت، چاوەڕواندەكرێت لە كۆتایی ئەم هەفتەیە یاخود سەرەتای هەفتەی داهاتوو 700 ملیار دیناری دووەم رەوانەبكرێت و دەشڵێت، “ئەو لێكتێگەیشتنەی كە هەیە هەوڵدەدرێت بۆ ساڵی داهاتوو كێشەی دارایی مووچەخۆرانی هەرێم بەتەواویی چارەسەربكرێت”.
ئاوات شێخ جەناب وەزیری دارایی هەرێم رایگەیاند، هەوڵدراوە كێشە تەكنیكییەكانی نێوان هەرێم و بەغداد چارەسەربكرێت و لە كۆبوونەوەی ئەمڕۆمان لەگەڵ وەزیری دارایی عێراق هیچ گرفتێك سەبارەت بە ناردنی 700 ملیار دینارەكە نەبووە و چاوەڕواندەكرێت لە كۆتایی ئەم هەفتەیە یاخود سەرەتای هەفتەی داهاتوو رێكارەكان و ناردنی 700 ملیار دیناری دووەم بۆ هەرێم دەستپێبكات.
راشیگەیاند، ئەو لێكتێگەیشتنەی كە لە نێوان هەرێم و بەغداد هەیە هەوڵدەدرێت بۆ ساڵی داهاتوو كێشەی دارایی مووچەخۆرانی هەرێمی كوردستان بەتەواویی چارەسەر بكرێت”.
