بەهۆی نەبوونی ئاو و خزمەتگوزارییەكانەوە خوێندكارانی بەشە ناوخۆییەكانی كچان لە هەولێر خۆپیشاندانیان ئەنجامدا، بەڵام لەلایەن هێزە ئەمنییەكانەوە رێگرییان لێكرا.
ئێوارەی ئەمڕۆ ژمارەیەك لە خوێندكارانی بەشە ناوخۆییەكانی كچان لەسەر شەقامی 120 مەتریی هەولێر خۆپیشاندانێكیان ئەنجامدا.
پەیامنێرمان لە هەولێر پێیڕاگەیاندین، خۆپیشاندانەكە دژی نەبوونی ئاوی گەرم و خزمەتگوزارییەكان بوو.
وتیشی، “لەلایەن هێزە ئەمنییەكانەوە رێگە بە ئێمە و بەشێك لە میدیاكانی دیكە نەدرا روماڵی خۆپیشاندانەكە بكەین”.
ئەوەشی وت، بە زەبری هێز، خوێندكاران گەڕێندرانەوە ناو بەشە ناوخۆییەكان.
