شەوی رابردوو بەلەمێکی کۆچبەرانی نایاسایی لە دەریای ئیجەدا نوقمبوو و تا ئێستا تەرمی سێ کۆچبەر دۆزراونەتەوە.
دەزگای لوتکە بڵاویکردەوە، “شەوی رابردوو کاتژمێر 9:05 خولەک لە باکووری سیمی، بەلەمێکی بە 13 کۆچبەرەوە وەرگەڕاوە، لە ئەنجامدا هەشت کۆچبەر رزگارکران و سێ تەرم دۆزراوەتەوە و دوو کەسیش بێسەروشوێن بوون کە منداڵی ساواشیان تێدایە”.
ئاشکراشیکرد، “لە کاتژمێر10:00 ی شەو لە رێگەی یەکێک لە کۆچبەرانی سەر بەلەمەکەوە زانیاری دراوە بۆ ئەوەی رزگاریان بکەن”.
باسیلەوەشکرد، “شوێنی رووداوەکە تەنها 500 مەتر لە دوورگەی نیمۆسەوە کە خەڵکی تێدا ناژی دوورە، تا ئێستا هیچ زانیارییەک لەسەر رەگەز و تەمەنی قوربانییەکان ئاشکرا نەکراوە رێکخراوەکانی گەڕان و رزگارکردن بەردەوامن لە هەوڵدان بۆ دیاریکردنی شوێنی ئەو کەسانەی کە لە کەشتییە نوقمبووەکەدا ونبوون”.
