بەیانیی ئەمڕۆ بوومەلەرزەیەک لە شارى ئیستانبوڵ روویدا، دواى ئەوەى دەریاى مەڕمەڕەى گرتەوە.
بەپێى راگەیەندراوێکى تۆمارى بوومەلەرزەى تورکى گوڕى بومەلەرزەکە 3.4 پلەى رێختەر بووە، بەڵام کارگێڕیی کارەسات و لەناکاوى تورکى (ئافاد) گوڕەکەى بە 3.1 پلە دیاریکردووە و ئاماژەیدا، ناوەندەکەى دەریاى مەڕمەڕە و لە قوڵاییەکى مامناوەنددا بووە.
هاوڵاتییانیش لە تۆڕە کۆمەڵایەتییەکانەوە ئاماژەیان بەوەدا کە لە ناوچە جیاجیاکانى ئیستانبوڵ-ەوە هەستیان بە بوومەلەزەکە کردووە، بەتایبەت ئەو گەڕەک و ناوچانەى بەسەر دەریاکەدا دەڕوانێت، ئەوەشیان وت کە لەرزینەکە روون و هەستپێکراو بووە، بەڵام تائێستا ئاماژە بە هیچ زیانێک نەکراوە.
