پۆلیسی سلێمانی رایدەگەیەنێت، “تۆمەتبارێکمان دەستگیرکرد کە لە کەپرە گەشتیارییەکانی هاوینەهەواری دووکان چەند کەلوپەلێکی جۆراوجۆری دزی بوو”.
بەرێوەبەرایەتیی پۆلیسی سلێمانی ئاماژە بەوە دەکات، “دوای ئەوەی هاووڵاتییەک سکاڵای یاسایی تۆمارکرد کە لە کەپرە گەشتیارییەکانی هاوینەهەواری دووکان دزی لێکراوە، هێزەکانی پۆلیس لێکۆڵینەوەکانیان دەستپێکرد و دوای وەرگرتنی بڕیاری دادوەر، توانرا تۆمەتبار لەلایەن مەفرەزەکانی نووسینگەی نەهێشتنی تاوانی دووکانەوە بدۆزرێتەوە و دەستگیربکرێت”.
ئەوەشی خستۆتەڕوو، “تۆمەتبار لەدایکبووی 1982ە و دانی بەتاوانەکەیدا ناوە، ئێستا بەبڕیاری دادوەر و بەپێی مادەی 444 لەیاسای سزادان ڕاگیراوە و لێکۆڵینەوەکان بەردەوامە، هاوکات لەکاتی دەستگیرکردنیشیدا دەستگیرا بەسەر ئوتۆمبێلەکەیدا”.
