هەژاری لە عێراق گەیشتووەتە ئاستێكی مەترسیدار

A Palestinian boy playing inside of a tin house in a poor neighborhood of Khan Younis refugee camp in the southern Gaza Strip on September 6, 2018. (Photo by Majdi Fathi/NurPhoto via Getty Images)

وەزارەتی پلاندانانی عێراق، ئاماری ڕێژەی هەژاری بڵاوكردەوە كە گەیشتووەتە ئاستێكی مەترسیدار.

عەبدلزەهرە هنداوی، وتەبێژی وەزارەتی پلاندانانی عێراق ڕایگەیاند، “ڕێژەی هەژاری لە عێراق دا گەیشتووەتە 32%”

هنداوی لە لێدوانێكی ڕۆژنامەوانییدا ئەمڕۆ دووشەممە 28ی كانونی یەكەم ڕایگەیاند، “بەر لە بڵاوبوونەوەی كۆرۆنا، ڕێژەی هەژاری لە عێراق گەیشتبووە 20% بەڵام هاتنی پەتاكە و لێكەوتەكانی وەك كەرەنتین و قەدەغەی هاتوچۆ، ڕێژەی هەژارییان بەرزكردەوە بۆ 32%”

وتەبێژی وەزارەتی پلاندانانی عێراق دەڵێت، “ئەو ڕێژەیە لەسەر بنەمای داهات دیاریكراوە، نەك ڕەهەندەكانی تری وەك نیشتەجێبوون و خوێندن و تەندروستی، چونكە ئەگەر ئەوانە بە پێوەر وەربگرین، ئەوا ڕێژەكە دەگەڕێتەوە بۆ 20%ـەكەی پێشوو.”

بە گوێرەی پێوەرەكانی زانستی ئابوری، ئەگەر ڕێژەی هەژاری بگات بە ئاستی هاوشێوەی ئێستای عێراق، ئەوا دۆخی ئابوریی ئەو وڵات و كۆمەڵگەیە بە خراپ دەپێورێت.

بابەتی پێشتر

ئێران: بەمزووانە بە سەختیی تۆڵەی سلێمانی دەكەینەوە

بابەتی دواتر

چارەنووسى عێراق لەبەردەم گروپە چەکدارەکاندا

بابەتی پەیوەندیدار
Total
15
Share