ئەنجومەنی نوێنەرانی عێراق لە دانیشتنێکی نوێیدا پرۆژە یاسای گەڕاندنەوەی موڵک و ماڵ بۆ ئەو کەسانەی لە بڕیاری ئەنجومەنی سەرکردایەتیی شۆڕشی هەڵوەشاوە زەرەرمەندبوون، پەسەنددەکات.
بڕیارە سبەینێ سێشەممە ئەنجومەنی نوێنەرانی عێراق کۆببێتەوە و لە بڕگەی یەکەمی کۆبوونەوەکەدا دەنگ لەسەر پرۆژە یاسای پرۆژە یاسای گێڕانەوەی موڵك و ماڵ بۆ خاوەنەكانیان كە بەهۆی هەندێك لە بڕیارەكانی ئەنجومەنی سەرکردایەتیی شۆڕشی هەڵوەشاوە زەرەرمەندبوون.
بەپێی بڕگەکانی ناو پرۆژە یاساکە مافی ئەو کەسانە دەگەڕێندرێتەوە کە بەدەست بڕیارەکانی رژێمی پێشووەوە ناڵاندوویانە و تووشی راگواستن و سەرکەوتکاری بوون و دەستبەسەر ماڵ و موڵکیاندا گیراوە.
ماوەیەکی زۆرە پرۆژە یاساکە لە ئەنجومەنی نوێنەرانی عێراقە و چەند جارێکیش دەنگدان لەسەری دواخرا بە مەبەستی گەیشتنە سازانی فراکسیۆنەکان لەبارەیەوە.
