سەرۆك وەزیرانی سكۆتلەندا دەڵێت، دایك و باوكی هاوژینە فەلەستینییەكەی لە غەززە گیریانخواردووە.
حەمزە یوسف، سەرۆك وەزیرانی سكۆتلەندا لە لێدواندا بۆ رۆژنامەنووسان رایگەیاند، دایك و باوكی نادیە نەخلە-ی هاوژینی كە نیشتەجێی سكۆتلەندان، لە غەززە بوون بۆ سەردانی نەنكی هاوژینەكەی كە نەخۆشە و تەمەنی 92 ساڵە، لەوكاتەدا رووداوەكانی ئەمدواییەی ئیسرائیل و غەززە روویدا و، لەوێ گیریانخوارد.
یوسف ئاشكراشیكرد، ئیسرائیلییەكان داوایان لێكردوون وڵاتەكە جێبهێڵن، بەڵام نەتوانراوە ئەو هەنگاوە بنرێت، ئاماژەی بەوەشكرد كە وەزارەتی دەرەوەی بەریتانیا نەیتوانیوە زامنی دەرچوونێكی سەلامەت بكات.
ئەوەشی وت، “وەك ئەوەی زۆر كەس دەزانێت، هاوسەرەكەم فەلەستینییە، دایك و باوكی لە دندیی سكۆتلەندا دەژین، ئەوان لە غەززە بوون”، ساتی دەستپێكردنی پێكدادانەكان.
