سەرۆك وەزیرانی ئیسرائیل دەڵێت، وەڵامدانەوەیان بۆ هێرشەكەی حەماس دەبێتەهۆی گۆڕانی رۆژهەڵاتی ناوەڕاست.
پەیامەكەی بنامین ناتانیاهۆ، سەرۆك وەزیرانی ئیسرائیل بەپێی راگەیەندراوی نوسینگەكەی لەمیانەی لێدوانیدابووە بۆ سەرۆك شارەوانیی ئەو شارە سنوورییانەی باشوور، كە رووبەڕووی هێرشە چاوەڕواننەكراوەكەی رۆژی شەممە بوونەوە.
راگەیەندراوەكە بە “دیاریكراوی” ئامانجەكەی ناتانیاهۆی رووننەكردەوە.
سەرۆك وەزیرانی ئیسرائیل لە راگەیەندراوەكەدا ئەوەشی وت، “ئەوەی حەماس پیایدا تێدەپەڕێت دژوار و ترسناك دەبێت. تازە دەستمان بە هەڵمەتی وەڵامدانەوە كردووە”.
پێشیوایە هەڵمەتەكانیان كاتی پێویستە و “پێویست بە هەڵوێستێكی توند دەكات لە رۆژانی دژواری دواییدا”.
