بەڕێوەبەرایەتیی هاتوچۆی سۆران رایدەگەیەنێت، لەسەر رێگای هامڵتن بەهۆی رووداوێكی هاتوچۆوە هەشت كەس برینداربوون.
بەپێی راگەیەندراوێكی بەڕێوەبەرایەتیی هاتوچۆی سۆران كە وێنەیەكی دەست تۆڕی میدیایی ئێستا كەوتووە و تێیدا هاتووە، لەسەر رێگای هامڵتن بەهۆی رووداوێكی هاتوچۆوە لە نێوان دوو ئۆتۆمبێلدا، هەشت كەس برینداربوون.
هەر لە راگەیەندراوەكەدا هاتووە، رووداوەكە بەهۆی لەكۆنترۆڵ دەرچوونی ئۆتۆمبێلی جۆری كیا بووە بۆ سایدی بەرامبەر كە ئۆتۆمبێلی جۆری مازداكە بەرەو رووی بووە و لە ئەنجامدا 8 كەس برینداربوون.
