لە پارێزگای دهۆک بەهۆی رووداوێکی هاتوچۆوە پێکدادان لە نێوان زیاتر لە 10 ئۆتۆمبێل روویداوە و زیانێکی زۆر بەر بەشێک لە ئۆتۆمبێلەکان کەوتووە.
لەسەر رێگای نێوان دهۆک-سێمێل، بەرامبەر زانکۆی ئەمریکی لەو پارێزگایە، رووداوێکی هاتوچۆ لە نێوان 13 ئۆتۆمبێل روویداوە و بەهۆیەوە ئاستەنگی هاتوچۆ لەو رێگایە دروستبووە، بەپێی ئەو زانیارییانەی دەست تۆڕی میدیایی ئێستا کەوتووە هیچ زیانێکی گیانی لێ نەکەوتووەتەوە و تەنها کەسێک برینداربووە.
بەپێی زانیارییەکان، یەکێک لە ئۆتۆمبێلەکان خۆی بە یەکێک لە ستوونەکانی کارەبا لەو شەقامەدا کێشاوە و بەهۆی خزانی ئۆتۆمبێلەکانی ترەوە لەدوای ئەو ئۆتۆمبێلەوە ئەو رووداوە روویداوە.
